Меңдіхан Мырзалыұлы мерейлі 70 жасқа толды

01.02.2021

Атырау облысының денсаулық сақтау саласының үздігі, облыстық денсаулық сақтау басқармасының және емдеу-сауықтыру мекемелерінде басшылық лауазымын атқарған ардагер Меңдіхан Мырзалыұлы мерейлі 70 жасқа толды.

Мерей той иесін Атырау облысы Денсаулық сақтау басқармасының басшысы Байдувалиев Асхан Мархабайұлы, «SENIM» Денсаулық сақтау жүйесі жұмыскерлерінің салалық кәсіптік одағы» РҚБ Атырау облыстық филиалының төрайымы Кашкенова Майра Тұрланқызы, Атырау жоғары медициналық колледжі директоры міндетін атқарушы Кдрсихов Елдос Ерсайынұлы,Облыстық балалар ауруханасының директоры Айтмұхамбетов Нұрғабыл Әбуұлы, Облыстық психикалық денсаулық орталығының директоры Нұрмуханов Құаныш Құлбайұлы құттықтап, жүрекжарды лебіздерін арнады.

Атырау облысы медицина саласы қауымдастығы білгір де білікті өз ісінің шебер маманы, еңбек сүйгіш қасиетінің арқасында озат басшы, өмірден мол тәжірибе жинақтап, жас мамандарды тәрбиелеп, еңбек жолына бағыт беріп, біреуге – ұстаз, біреуге-ақылшы, біреуге-көмекші болып отырған зиялы азамат ретінде әрқашан үлгі тұтып, мақтанамыз.