1 қазан — Халықаралық қарттар күніне

« Senim » Денсаулық сақтау жүйесі жұмыскерлерінің салалық кәсіптік одағы РҚБ Атырау облыстық филиалы,Атырау жоғары медициналық колледжінің бастауыш кәсіподақ ұйымы «1 қазан Халықаралық қарттар күніне» орай  «Ұстамды ұстаздың ұлағаты» атты шара өткізді. Аталған шараға Қызылқоға ауданының Құрметті азаматы, Атырау қалалық қоғамдық кеңесінің мүшесі Әйтішева Ұлдай Әйтішқызы қатысып, білім алушы жастарға қыз бала тәрбиесі, ата-ана қадірі, медицина мамандығының қоғам алдындағы маңызы турасында өнегелі естелік әңгімелерін айтты. Кездесу барысында колледждің өнерпаз студенттері әндер шырқады. Ұлдай Әйтішқызы өзінің «Жылдар жаңғырығы» атты атты кітабын колледжге сыйлады.