1. «Senім» Денсаулық сақтау жүйесі жұмыскерлерінің салалық кәсіптік одағы Республикалық қоғамдық бірлестігінің Атырау облыстық филиалы «ҚР Кәсіподақтар күніне» орай «Кәсіподақ күші-бірлікте» атты мерекелік шара ұйымдастырып, өткізді. Шараға Атырау облыстық денсаулық сақтау басқармасы бөлім басшысы Нұрғалиева Гүлмира Талғатқызы және Атырау аумақтық кәсіподақтар орталығының төраға орынбасары Ұзақбай Еділ Сарсенғалиұлы қатысып, облыстық денсаулық сақтау басқармасы басшысының және Атырау аумақтық кәсіподақтар орталығының төрағасының құттықтауларын жеткізді.
Шара барысында Денсаулық сақтау саласындағы кәсіби шеберлігі халық денсаулығын қорғаудағы ерен еңбегі және кәсіподақ қозғалысының дамуына қосқан үлестері үшін бірнеше кәсіподақ мүшелері «Senim» Денсаулық сақтау жүйесі жұмыскерлерінің салалық кәсіподағы Республикалық қоғамдық бірлестігінің және Облыстық филиалдың марапаттарына ие болды.Марапатталушыларға гүл шоғы және бағалы сыйлықтар берілді.
2.«Senim» Денсаулық сақтау жүйесі жұмыскерлерінің салалық кәсіподағы Республикалық қоғамдық бірлестігінің «Кәсіподақ үздігі» төс белгісімен Шунаева Айқияш Сапашқызы-№1қалалық емхананың дәрігер акушер-гинекологы,бастауыш кәсіподақ ұйымының төрағасы және Бегеева Түрлен Мұздықызы — Атырау облыстық перинаталдық орталықтың нәрестелер патологиясының бөлім меңгерушісі марапатталды. Сонымен қатар «Senim» Денсаулық сақтау жүйесі жұмыскерлерінің салалық кәсіподағы Республикалық қоғамдық бірлестігінің «Құрмет грамотасы», «Алғыс хаты» және облыстық филиалдың «Алғыс хатымен» бір топ медицина қызметкерлері марапатталды.
3. Қазақстан Республикасының Кәсіподақтар Федерациясының Бас Кеңесінің шешімімен «2021жыл бастауыш кәсіподақтар ұйымының жылы» болып белгіленуіне байланысты, облыстық және республикалық байқауға емдеу-сауықтыру мекемелерінің бірнеше бастауыш кәсіподақ ұйымдары қатысып, атқару кеңес мүшелерінің шешімімен облыстық байқаудың жеңімпаздары анықталып, номинациялар берілді. Байқау ережесіне сай, 1-орын жеңімпазы №1 Атырау қалалық емханасы бастауыш кәсіподақ ұйымының байқау құжаттары, республикалық байқауға жолданып, «Кәсіподақ қозғалысының дамуына қосқан үлесі» үшін номинациясы жеңімпазы атанып, құны- 250 000 теңге қаржылай сертификатпен марапатталды.
Шара барысында Атырау жоғары медициналық колледжінің студенттері өздерінің ән шашуымен,шараны көркейте түсті.
