ҚР КӘСІПОДАҚТАР КҮНІ.

10.10.2022

2022 жылдың 05 қазан күні «SENIM «Денсаулық сақтау жүйесі қызметкерлерінің салалық кәсіптік одағы» РҚБ БҚО филиалы , Батыс Қазақстан облысының Кәсіподақтар Орталығы қолдауымен ұйымдастырған ҚР Кәсіподақтар күніне орай мерекелік шара және кәсіподақ белсенділерін марапаттау рәсімі өтті.

Мерекелік шараға әлеуметтік әріптестер, кәсіподақ ардагерлері, облыстағы және аудандардағы кәсіподақ ұйымдарының жетекшілері мен белсенділері қатысты.

Салтанатты жиын барысында Кәсіподақ мерекесімен құттықтай отырып, «SENIM » БҚО филиалының төрағасы Кусаинов Махамбет Какимұлы денсаулық сақтау саласына және кәсіподақ қозғалысының дамуына қосқан қомақты үлесі үшін облыстық денсаулық сақтау саласының үздік қызметкерлеріне «SENIM «Денсаулық сақтау жүйесі қызметкерлерінің салалық кәсіптік одағы» РҚБ төрағасы Дүйсенов Сапарбек Серікұлы атынан Senim үздігі төсбелгісі, құрмет грамоталары мен алғыс хаттарын тапсырды.

Салтанатты шарада Батыс Қазақстан облысымыздың өнер және мәдени қайраткерлері өз өнерлерін көрсетті.