«Балаларға күлкі сыйлайық»

Халықаралық балаларды қорғау күні мерекесіне орай ШЖҚ «Облыстық психикалық денсаулық орталығы» МКК базасында балаларға арналған мерекелік іс-шара өткізілді.

Іс-шараны ұйымдастыруға және өткізуге орталық қызметкерлері мен «SENIM» кәсіподақ комитеті белсенді түрде қатысты.

Мерекелік шара шармен және түрлі-түсті жалаушалармен безендірілген орталық ауласында өтті. Балалар үшін концерттік бағдарлама ұйымдастырылды, жолға сурет салу, сабын көпіршіктерін үрлеу конкурсы өткізілді.

«SENIM «Денсаулық сақтау жүйесі жұмыскерлерінің салалық кәсіптік одағы» РҚБ Батыс Қазақстан облыстық филиалының төрағасы Махамбет Кәкімұлы Құсайынов балдарды құттықтап сөз сөйледі.

Мереке соңында балаларға «SENIM» кәсіподақ комитеті мен облыстық филиал атынан тәттілер мен сыйлықтар табыс етілді.